×

Տեղեկացում

There is no category chosen or category doesn't contain any items

Մոտ 57 կգ թունավոր նյութի ապօրինի վաճառք է կանխվել ՀՀ-ում. 6 անձ է ձերբակալվել

ՀՀ Ազգային անվտանգության ծառայության աշխատակիցների կողմից կանխվել է մոտ 57 կիլոգրամ թունավոր նյութ հանդիսացող մետաղական սնդիկի ապօրինի վաճառք:

4 հոկտեմբերի 2016. Ձեռնարկված օպերատիվ-հետախուզական համալիր միջոցառումների արդյունքում պարզվել է, որ մի խումբ անձինք, գալով հանցավոր համաձայնության, իրացնելու նպատակով կազմակերպել են մետաղական սնդիկի ապօրինի շրջանառություն և պլանավորել են այն վաճառել Երևան քաղաքում գտնվող նախկին քիմիական գործարանի տարածքում:
Ըստ ձեռք բերված տվյալների՝ նախատեսված է եղել թունավոր նյութի իրացման դիմաց ստանալ 160.000 դոլար, տեղեկացնում է ՀՀ ԱԱԾ-ն: ՀՀ Ազգային անվտանգության ծառայության քննչական վարչությունում հարուցվել է քրեական գործ՝ մի խումբ անձանց կողմից նախնական համաձայնությամբ թունավոր նյութեր ապօրինի ձեռք բերելու, պահելու, փոխադրելու, ինչպես նաև իրացնելու կապակցությամբ (ՀՀ քր. օր-ի 275 հոդվածի 2-րդ մասի 1-ին կետ), ձերբակալվել է 6 անձ: Բոլոր ձերբակալվածները տվել են խոստովանական ցուցմունքներ:
Հանցագործության համար մեղադրվողը համարվում է անմեղ, քանի դեռ նրա մեղքն ապացուցված չէ օրենքով սահմանված կարգով՝ դատարանի օրինական ուժի մեջ մտած դատավճռով:
Կարդացեք նաև՝ Օրինական շրջանառությունից հանված եվրո թղթադրամներ են ՀՀ բերվել. 3 անձ ձերբակալվել է: /PanARMENIAN.Net/